आंधळा खेळ हा

आंधळा खेळ हा

आंधळा खेळ हा

खेळसी कुठवरी

स्वास्थ्य तू शोधतोस

दव्यातूनच अजुनी ॥धृ.॥

थांबला का कर्करोग

काट-छाट करुनी

मेमो - केमो करीत

घालशील किती येरझारी॥1॥

टाटा तर राहिली

दूर ती मुंबई

काटा तर उभारिला

अंगांगात शिरशिरी॥2॥

भेटले का स्वास्थ्य

गोळ्या या खाउनी

दाटला रोग हा

कोठुनी अंतरी॥3॥

थांबला का मधुमेह

गोळ्या दवा टोचूनी

साखर-वाकर करीत

टांग ना त्या तलवारी॥4॥

वाढले वजन का?

जीभ मोकाट सोडूनी

कुपी बीपी करीत

हा हृदयरोग दरबारी॥5॥

शोध ती दिव्यता

आपुल्याच जीवनी

नोंदली तर दिव्यता

आपुल्याच अंतरी॥6॥

गंगा तर वाहिली

किडनी थेंबातुनी

प्या पाजा नारा हा

जाऊ दे ना दिगंतरी॥7॥

Tags स्वास्थ्य कविता

डॉ. शशी पाटील एक महान सेवाभावी चिकित्सक होते. 'रुग्ण सेवा हीच ईश्वर सेवा' हे त्यांच्या जीवनाचे ब्रीद होते. ते नेहमी निस्वार्थ व निर्मळ भावनेतून रुग्ण उपचार करायचे, त्यामुळे त्यांच्या फक्त हातालाच नव्हे तर त्यांच्या वाणीला ही गुण होता. त्यांच्या अनुभवसिद्ध उपचारांमुळे अनेक रुग्ण दुर्धर रोगातून मुक्त व्हायचे.